陳柏宇與粉絲飯敍延開26席　兩個女一齊病

歌手陳柏宇（Jason）晚上（18日）於石硤尾一間酒樓延開26席，與粉絲飯敍慶祝聖誕、冬至兼新碟發布，他表示囡囡因要上學需要早睡，故未有一同出席，又指兩名女兒一同病了，估計是交叉感染：「流鼻水、有啲痰咁，上個禮拜開始病，忍咗一個禮拜唔錫佢哋個嘴。」

Jason今晚除了現場演繹新碟新歌，又預備了禮物抽獎送給粉絲，當中包括他與太太到英國度蜜月時，所買的一支古董單筒望遠鏡，他說：「今日嘅禮物唔係特登買返嚟，係將屋企一啲有用嘅物件，例如擺設之類送出嚟。」他笑言自己喜愛換擺設，但無限買只會越堆越多造成浪費，故想出這個方法送禮物。他表示太太正計劃一家人於聖誕期間到酒店Staycation，自己則要視乎工作安排，笑指大不了晚上收工才到場睡一晚，之後太太會帶大女飛外地旅行。另談到他憑3首冠軍歌力爭「叱咤男歌手」獎，問他有否信心打入3甲？他打趣說：「有吖！銅吖！（只係有信心攞銅獎？）有信心起碼攞銅，哈哈！」