張敬軒獲已婚女粉示愛 關心其丈夫:你真係唔介意被派帽?

2023年12月19日 18:01
東網電視
更多新聞短片
歌手張敬軒(軒仔)一連3晚在澳門舉行的演唱會圓滿落幕,在第2場中,軒媽也有來捧場,全場粉絲高呼「奶奶」,搞到軒仔大叫「黐線」,他又自爆媽媽每晚都會煲壯陽湯給他補身。
而在尾場,有歌迷舉起軒仔半裸上身的照片,軒仔搞笑謂:「我見你舉咗一晚,係咪可以放低呢?我驚你肩周炎呀。你係唔係會送畀我?等我化咗佢。」完場時軒仔換衫Encore時卻發現無拉褲鍊,他即時走到台邊整理,並笑言:「冇辦法,太驕人嘞!」歌迷即時大嗌「除褲」,令他哭笑不得。
而在互動環節上,不少歌迷向軒仔示愛,有歌迷早上結婚,晚上來看騷,除叫軒仔老公外,又表示自己老公姓張,嚇得軒仔掉頭走;又有已婚粉絲手持寫上「我真係愛你多過愛我老公。」的紙牌,軒仔反問粉絲的老公:「你真係唔介意被派帽?」全場爆笑!