劉詩詩時隔11年再上綜藝　跳開花舞狂派心冧粉絲

內地女星劉詩詩近期屢傳婚變，但一直都未有正面回應，佢主演嘅古裝劇《一念關山》正在熱播，獲得觀眾好評。近日佢時隔11年再次參加綜藝節目，喺節目中佢被主持人點名跳開花舞，雖然對舞蹈動作不太熟悉，但佢都有求必應，即場學跳，仲大擺各款心心手勢，相當活潑可愛。佢仲展現霸氣嘅一面，對同劇演員何藍逗使出一招「公主抱」，認真係Man到爆！

雖然近年劉佢經常都會被網民吐槽「佛系思想」，相比起同期嘅「85花」楊冪、趙麗穎及Angelababy等，不時都會參加綜藝，以增加曝光率，佢就較為低調，已經成11年都冇上過綜藝節目。不過對於網民呢啲評價，佢就表示唔上綜藝係因為反應慢，而且本身自己嘅性格亦唔太適合，佢亦唔會糾結曝光率，認為有得必有失，只要自己舒服就好。