东网电视
更多新闻短片
视后畲诗曼、马国明及高海宁等一众《新闻女王》演员晚上（22日）齐集澳门，出席《新闻女王结局夜—女王终极直播》。刚与汤洛雯在泰国完成婚礼的马国明，以一身粉蓝色西装现身，他笑言要赚钱养家，因此尽快复工：“男人要赚钱养家，我系打工仔唔系富二代。（唔使度蜜月？）迟啲补番畀老婆，老婆想睇北极光，睇吓下年剧同剧之间有冇时间计划一下。”问他是否要努力赚奶粉钱？他坦言与太太也没有压力：“随缘啦！（喺泰国冇努力造人？）呢啲唔讲啦，总之大家都好乐意，如果有都会欣然接受上天赐嘅礼物。（生几个？）唔会太多，最多两个，惊分唔到时间教，都系一个起两个止。”
谈到婚礼上很多好友也被感动落泪，他却表示与老婆汤洛雯没有哭：“老婆忍到，我系开心多过喊。（边个场面最难忘？）好多，跳舞啰，大家知我不嬲好抗拒跳舞，但婚礼只舞系第一次觉得享受，可能当时气氛令到成件事好靓，我谂我真系人生第一次觉得享受，虽然唔系跳得好，因为自己根基有限，但冇我以前跳舞咁样抗拒，台庆跳舞，我自己心里面都有少少抗拒，因为跳得唔好。”问到外父对他有何叮嘱？他指也是大家开开心心，要互相忍让之类，又笑言终于等到太太称他做老公：“佢一直都唔肯叫，话结咗婚先叫，依家都几爽，好Sweet，听到呢个称呼都开心。（今日唔戴结婚戒指？）我惊跌咗畀老婆闹，所以寻日攞咗去改，好惊唔见，实畀人闹，自己都唔好意思。（买过一只？）意义都唔同咗。”
未与郑嘉颖食饭
《新闻女王》来到大结局，他坦言没有不舍，观众喜欢最重要，问到是否希望拍续集？他说：“睇公司话事，相信监制筹备嗰阵都冇谂过要拍续集，因为每条线都完咗，点样继续发展就要问佢哋。”问到郑嘉颖是否已约他食饭？他表示最近很忙仍未有没时间：“太熟唔使刻意，佢话约食饭之后畀番份礼。”
唔再提“安心事件”
谈到黄心颖近日剖白“安心事件”感受，他説：“大家都唔好再周旋喺嗰件事度，每个人都已经重新开始，佢又结咗婚我又结咗婚，呢件事都唔需要再提，好多年前嘅事，都唔需要再点提。”对于对方祝福他新婚，他说：“我都祝福佢，希望佢幸福快乐，大家都重新开始，呢啲咁旧嘅嘢唔需要攞番出嚟讲。”
马国明计划下年先度蜜月。
马国明想最多生两个B。
咁就要努力啦！
