聲夢小花鍾柔美17歲生日　半百歌迷齊集大搞粉紅派對

聲夢小花鍾柔美（Yumi）日前（21日）17歲生日，當日佢炎明熹、姚焯菲等一眾聲夢學員開演唱會，並於台上慶祝生日，其實Yumi私底下亦獲一班「米粉」為佢舉辦生日見面會慶祝，呢日佢喺社交網大晒靚相，見現場以Yumi最愛嘅粉紅色作為主題，有粉紅色氣球及熊公仔裝飾，當日Yumi以着上粉紅色衫，充滿少女心。當日有目測最少超過50名歌迷出席，場面墟冚，壽星女潮玩扑扑蛋糕外，又特意自彈自唱《分分鐘需要你》，向粉絲送上驚喜，唔少圈中前輩包括胡鴻鈞、劉佩玥等送上祝福。