楊丞琳失言風波後首露面　北京騷加護欄嚴陣戒備

台灣歌手楊丞琳喺河南鄭州舉行巡唱時，因「河南人愛騙人」引起軒然大波，雖然係咁佢尋日（23日）照常喺北京開騷，係佢失言風波後首露面，引起網民熱議！有到場睇騷嘅粉絲指現場特別增加護欄，嚴陣戒備，而本來呢場差唔多賣晒飛，不過開場後發現場內都有唔少空位。

楊丞琳以粉紅色禮服登場，獻唱多首經典歌曲，掀起全場尖叫聲，睇嚟人氣冇受影響，演唱會嘅片段曝光後，網民反應兩極，有網友狠批「河南鄭州的事忘了？」、「這種人還出來開演唱會，還是北京？」等，但都有唔少網民力撐楊丞琳：「討厭她不去看演唱會就好了，幹嘛要求別人跟你一起討厭。」