趙露思剪短髮原因曝光　淚晒人前：封心鎖愛

內地「甜寵女神」趙露思，近日孖上內地男神王安宇合作嘅仙俠劇《神隱》，再次憑型男索女嘅CP組合圈粉無數，而最近將頭髮染成全黑兼剪到及肩長度嘅佢，清爽新造型更係備受好評，不過對於女神造型突然改變，更係勾起唔少粉絲嘅好奇心。

而日前，為新戲宣傳嘅佢，亦喺訪談會上被問道剪短髮嘅原因，只見趙露思先係開始唱起：「我已剪短我的髮。」並搞笑回答道：「封心鎖愛了！」一旁嘅王安宇更係相當配合，先表現出驚訝神情，然後再安慰道：「沒事呀，不難過！」隨即趙露思更戲精上身，即場開始假喊，場面搞笑外，亦引嚟唔少粉絲留言道：「哈哈哈小戲精！」、「安宇立刻Get秒拍肩安慰哈哈哈！」、「露思你搞笑女身份藏不住！」、「趙露思是我看過最沒偶像包袱的女明星！」、「露思寶寶隨時隨地開演，這就是演員的自我修養吧！」