「性感女神」安心亞無懼寒流性感演出　蝴蝶肚兜震撼全場

台灣女星安心亞出名樣靚身材正，有着D Cup傲人上圍及玲瓏浮凸好身材嘅佢，更係唱得又跳得，其魔鬼身材更獲網友封為「性感女神」。而日前，受邀去基隆市上台演出嘅佢，更無懼寒流來襲，剩係着件肚兜上台勁歌熱舞，要靚唔要命嘅打扮引嚟唔少網友驚呼：「太恨了！」

日前，受邀去基隆市上台演出嘅佢，事後亦喺社交網晒多張性感靚相，只見喺10幾度嘅氣溫下，安心亞剩係着咗件藍黑色蝴蝶造型嘅肚兜上陣，胸前嘅Deep V設計更係將佢凹凸有致嘅好身材展露無遺，而背面幾乎全裸嘅設計，更係性感度爆燈，隨着安心亞喺台上大晒性感舞姿，現場氣氛亦瞬間High爆全場外，一系列嘅性感靚相及影片，都引嚟唔少網友激讚：「真的是魅力無法擋！」、「真的太辣了啦！」、「現場被你辣爆！」、「每次看心亞女神唱跳就被暈了是正常嗎？」、「期待幾天後的跨年晚會表演！」