鮮娛糧｜57歲凍齡呂頌賢聖誕彈琴　網民差點誤認呂爵安

樂隊RubberBand 《Juntos》 音樂會於聖誕夜舉行第二場，首場平安夜未有現身的泥鯭新婚太太黃心穎終於現身，除在台下拍攝老公於台上的「英姿」外，還到後台和樂隊成員影大合照，又晒和老公頭貼貼的甜蜜照，一見泥鯭就露出甜笑的她留言：「Christmas well spent，每次都會錄呢一句，Thank you for the wonderful music @rubberBand。」在頭場一直坐在Drum Set王座的泥鯭是晚特別應樂迷要求，走出T台與大家互動，而樂迷的熱情，令RubberBand在完場後來個真Encore，令人喜出望外。

與樂迷齊過節，6號非常感動，感謝說：「我哋第一次征服T型舞台，見到阿正、阿偉同Jason Kui都有走出嚟畀大家見吓，但好似爭咁個，大家係咪好想見下呢位金頭佬呢？」染了一頭金白頭髮的泥鯭此時走到T台，6號問他在後面悶不悶，泥鯭即說：「唔悶，仲睇到好多嘢。今日第二場，尋（前）日完場之後，聽到有啲歌迷講，叫我出嚟多啲，成日得你哋3個，但係我走出嚟，你哋幫我打呀？但今日大家爭取到喇！」話雖如此，泥鯭說了數句後，6號便要他回去繼續打鼓，但泥鯭道：「我要唱歌呀！大家繼續爭取呀！」

現場熱烈要求，終令泥鯭在尾聲時拿起結他，與隊友一起來個Acoustic演出。當泥鯭走到T台盡頭與6號會合時，6號突然跪低，為泥鯭摺褲腳，原來泥鯭為方便打鼓，將一邊褲腳捲起，6號見狀即細心為隊友整理服裝，場面十分窩心。泥鯭分享心聲道：「其實坐喺後面係好悶，依家成功爭取到啲兄弟畀我出嚟唱歌，但其實都係6號唱，不過我哋都有個傳統，喺做音樂會嘅時候，我哋有個細台，同大家好近，我哋都好鍾意呢種感覺，希望聖誕夜將呢個感覺帶番畀大家。」

唱過新專輯同名歌曲《Juntos》後，音樂會本要結束，但樂迷熱情Encore未肯離去，結果令樂隊再次走到舞台上，6號感動地道：「太熱情喇大家！尋（前）晚呢隻歌大家冇乜反應，陣間睇下你哋又會係乜嘢反應，就估計到你哋幾時開始喜愛我哋喇！RubberBand唱出《遊車河》，全場跟着拍和大合唱，台上台下打成一片，唱畢阿正、泥鯭及Jason Kui興奮得向台下拋出毛巾，音樂會亦在氣氛高漲下作結。

聖誕節有人探班聽演唱會，亦有人獨自彈琴，呂頌賢近年北上發展，大搞素食餐廳生意，25日他上載了一段聖誕短片，片中見他轉了幾個造型，一時就Casual Look，一時又西裝上陣，網民紛紛留言「怎麼都沒老過？」、「根本就是韓劇oppa」。其中一幕他更戴上眼鏡彈琴，更有人表示差點以為是MIRROR的呂爵安（Edan），的確呂頌賢保養得宜，完全不像57歲，至於跟Edan相似，就真的見仁見智。