女神譚旻萱首與男友過聖誕　甜煮大餐餵飽愛郎

台灣演員陳昊森、譚旻萱（Mandy）、林熙彤及梁仲恆等，今日（26日）到尖沙咀某戲院為電影《不是你不愛你》出席謝票活動，早前被踢爆有新戀情的Mandy，甜笑承認與導演男友Christopher首度聖誕節，她透露：「我哋約咗一班朋友去我屋企食飯慶祝，我自己下廚，啲朋友幫我洗碗，我哋分工合作。」

問她收到男友甚麼聖誕禮物？Mandy說：「佢送咗即影即有相機畀我，因為我嗰部壞咗，但我冇送禮物畀佢。（第一年唔過二人世界？）一大班朋友過熱鬧啲，同埋都係共同朋友。」

單身的陳昊森則大讚懂得下廚的女生會加分，又表示想結識香港女生，奈何言語不通。問他是否接受姊弟戀？陳昊森說：「還可以，但男生大女生一點會比較好，因為可以照顧她。」