林襄同閨蜜「孖鋪」搞到私密處發炎　原因竟然係...

台灣啦啦啦隊女神林襄樣靚身材正，近年人氣爆燈，深受網民喜愛。近日佢聯同師妹張雅涵一齊參加綜藝《小明星大跟班》，而今集主題係「閨蜜的感情經得起考驗嗎？好姊妹真心話告解大會」，作為同門師姐妹兼好閨蜜，2人喺節目裏面互相坦白，互訴心聲。張雅涵談到早前林襄私密處發炎，有可能同自己有關，因為2人常常一齊出去工作都係同住一間房，而之前佢半夜起身去廁所時，唔小心將林襄晾喺浴室嘅底褲整跌到馬桶入面，當時自己只係執返擺回原位，準備瞓醒同林襄講，但之後卻忘記咗呢件事，直到得知林襄私密處發炎，自己才想起來。

林襄聞言即生氣道：「我為此難受了1個月！」眼看師姐相當不滿，張雅涵即表示都有可能唔係佢造成，「發炎是因為天氣悶熱，或者壓力太大，有很多因素啦！」令一旁嘅主持人吳宗憲都驚呼：「時代真的不一樣了。」