李元玲化身「銀色妖姬」搔首弄姿　自嘲：傻傻的臉

馬來西亞「鋼琴女神」李元玲，琴技出眾嘅佢身材更係同樣出眾，而不時喺社交網賣大包派福利嘅佢，日前更晒出一段閃到爆兼搶盡眼球嘅性感影片，風情萬種嘅香艷畫面曝光後，更係俘虜唔少宅男歡心。

向來對身材管理極嚴格嘅佢，亦不時喺社交網晒出收身菜單及健身時嘅性感靚相，全身上下更係零贅肉兼Fit到漏，而日前適逢聖誕佳節，李元玲亦着上銀光閃閃嘅2截式裙應節，只見披着飄逸長髮嘅佢，充滿優雅氣質得嚟，更係意態撩人，凹凸有致嘅身材更展露無遺，雖然李元玲自嘲：「傻傻的臉！」不過唔少網友則留言道：「你是我心中的玫瑰花！」、「難道這個就是傳說中的傻白甜？」