趙露思慘遭「鹹豬手」　男星3字回應再捱轟

內地「甜寵女神」趙露思最近同人氣男神王安宇主演嘅仙俠劇《神隱》正在熱播，型男索女嘅CP組合深受觀眾喜愛。不過，日前一段5年前佢同緋聞男友李宏毅私下聚會嘅影片流出，遭到網民瘋傳及熱議。皆因片中2人同劇組人員一齊聚餐，而坐喺趙露思身邊嘅李宏毅突然伸手喺佢後背狂摸，有網民質疑佢嘅動作疑似係解內衣扣，趙露思即時將佢嘅手拍開，仲一臉不滿地望住佢。

影片流出後，大批網民表示憤怒：「感覺好不尊重人啊」、「這根本是鹹豬手了吧」。昨日（27日）李宏毅工作室喺社交網寫下：「很無聊。」疑似係對此事做出回應，但都難熄網民怒火，「李宏毅工作室的回應太没品了吧！」、「你做那些行為時怎麼不覺得無聊」。見此，今日李宏毅嘅工作室再發聲明澄清當時並無不當行為，稱內容係利用節目截圖斷章取義，強調已經委託律師取證。