爆操女神｜美魔女楊玉梅挑機鋼管舞　轉到大腿紅晒！

上集《爆操女神》楊玉梅（士多啤梨老師）表現非常出色，雖然佢已經年過半百，但跳鋼管舞對佢毫無難度。一向有凍齡美魔女之稱嘅佢，估唔到除咗外貌風韻猶存，身體機能亦猶如18歲，果然係專業嘅瑜伽導師，實力深不見底。今集導師Melody決定將難度升級，教士多啤梨老師更難嘅動作，如果有細心嘅觀眾會發現，雖則動作同上集做嘅勁似，不過呢個動作需要將左腳同左手打開，只用右手同右腳支撐身體重量，再喺轉嘅時候保持身體穩定，睇嚟難度唔只提高一個層次！

士多啤梨老師喺練習過程失敗咗幾次，因為單手臂力不足以支撐，只好用雙手握緊鋼管，不過佢一直冇放棄，喺不斷嘗試後，雖然落地嗰陣有啲差強人意，但總算可以用單手完成。之後楊玉梅竟然同Melody講，想挑戰高階動作，完成一系列初階、中階及高階嘅鋼管舞動作，為今次《爆操女神》之旅畫上完美句號。想知最後楊玉梅做成點，當然就要睇片喇！