劉溫馨開Party抽中「三級杯」　朱智賢：我仲黑過佢呀！

年尾時分，不少人都會約埋開Party，搞吓抽獎、玩吓交換禮物，日前劉溫馨就約埋圈中好友朱智賢(朱朱)、陳熙蕊、關楓馨、周志文等齊齊開Party，之後朱朱就喺社交網PO咗條片，片中的劉溫馨就用紙巾係咪捽頸鏈掛住嘅杯仔，杯內仲有紅色男性重要部位模型仔，朱朱就問佢：「溫馨你喺度做緊咩?」她就話：「捽緊個杯，(呢個杯嚟㗎咩?)係呀啱啱抽到嘅聖誕禮物，大開眼界喎！好特別！」之後佢哋又扮Cheers，只見劉溫馨一臉無奈，唔知好嬲定好笑。

朱朱昨日接受東網訪問被問到那隻三級杯是否她買來送給溫馨的時，她即謂：「梗係唔係我買啦！我點會買啲咁核突嘅嘢呀！我自己仲黑，乜都冇抽到，全場得兩個人冇禮物，我就係其中一個。」