亞洲超星團︱張鎬濂踢爆隊友「出貓」　江信熹脫穎而出奪得C位

偶像選秀節目《亞洲超星團》今晚（30日）播出一集有關主題曲C位爭奪戰，65名超星練習生收到任務後，只有48小時極限練舞！當中咁係有人歡喜有人愁，舞功了得嘅趙天翼同楊亦辰異口同聲指冇難度，張鎬濂見到楊亦辰一學就識更係嚇到O晒嘴，大嗌：「有作弊行為！」場面相當搞笑。

而主題曲嘅C位只有13名超星練習生可以競爭，包括係初舞台考核中總排名前十名嘅超星練習生奧利、李權哲、譚奕天、張勝希、林展爍、愛合、艾煜坤、黃輝雄、趙天翼及智樹，另外三個名額則係由製作組選出訓練期間表現最突出嘅超星練習生，分別係黃鑫、江信熹和尹俊嵐。13人將輪流Solo表演主題曲舞蹈，並由其餘52名超星練習生以不記名方式投票選出表現最好嘅一位，經過一輪激戰，由澳門代表江信熹以15票揮贏一眾競爭者取得C位，眾望所歸。