楊紫李現元旦日「官宣」：都在身邊，真好！

內地流量花旦楊紫同小生李現2019年合作偶像劇《親愛的熱愛的》爆紅後，二人就一直傳出緋聞，難得佢哋毫無顧忌成日見面，最近仲「二搭」古裝劇《國色芳華》，連粉絲都撐佢哋再次合體。趁住一齊開工兼過新一年，佢哋就似乎真係一齊過，今日（1日）凌晨夾好時間同步「官宣」！

二人同時晒出合照，包括即影即有靚相及加咗Cutie貓鬚Filter嘅合照，楊紫留言：「朋友都在身邊 真好🤗新年快樂」李現則寫道：「時光荏苒，友誼長存！」其實佢哋只係夾好時間晒出二人加另一位女藝人喬欣嘅三人合照，官宣佢哋友誼永固，所以一班Fans都好興奮，見到偶像同好友共同努力，因新劇而「再續前緣」。