雞排妹浸溫泉大解放　露前露後晒渾圓美胸

台灣藝人雞排妹（鄭家純）一向都身材出眾，作風大膽嘅佢，仲經常挑戰大尺度嘅寫真。昨日（31日）係2023年嘅最後一日，佢當然都唔會錯過呢次派福利嘅機會，喺社交網晒出性感靚相益街坊，並寫道：「阿純預祝大家新年快樂，2024事事順心，平安健康。」只見佢雙手靠喺浴缸邊緣，赤裸浸喺水中，露出大片白滑美背及纖腰，甚有睇頭！

最近去到馬爾代夫旅行嘅佢，喺社交網分享當地風景相之餘，仲狂派福利晒性感水着相，換上唔同款式嘅比堅尼，大晒飽滿渾圓嘅上圍，其中一件湖水綠色的超Deep V比堅尼，中門大開騷盡東西半球，火辣又養眼！