安心亞挑戰性感極限　近乎全裸大露屁股蛋

台灣性感女星安心亞出名身材火辣，唱得又跳得嘅佢日前參加晚會活動，喺舞台上賣力演出之餘，佢嘅舞台造型亦成為全場亮點，一出場就將現場氣氛炒熱至最高點。佢先係穿着綠色皮大衣出場，當演唱到第三首歌曲《乖乖牌》時，佢脫去外套，上身大玩鏤空設計令其白滑雪乳及纖腰若隱若現。

之後唱到《女孩站出來》一曲時，仲相當大膽地撕掉佢嘅短褲，近乎全裸上陣，令現場觀眾睇到嘩嘩聲，尖叫聲不斷。佢突然轉身背對觀眾，原來佢嘅背後亦相當精彩，渾圓翹臀幾乎冇遮擋，大方露出屁股蛋，加上佢勁歌熱舞，不時做出擺臀、扭腰等動作，性感指數爆晒燈！性感造型曝光後，令到網民睇到噴血，紛紛直呼「太猛了」、「救全場」、「很強大」、「每年最期待」。隨後安心亞仲透露今次嘅造型係自己嘅構思，因為全身上下都有鏤空設計，導致佢唔可以着普通嘅安全褲，要度身訂造打底嘅丁字褲。