陳詩欣同老公冷靜睇煙花　張建聲女友「彈彈波」極震撼

前日（31日）除夕夜唔少藝人都有出動睇煙花倒數，無綫小花陳詩欣同有米老公陳爾正，喺半山逾千呎豪宅睇煙花倒數，不過個氣氛就異常冷靜，連好友吳若也留言：「完全感受到你哋Countdown嗰份平靜。」陳詩欣就解釋話：「我哋未倒數就放咗煙花。」

而喺早前喺聖誕節公開戀情嘅張建聲，細佢16歲嘅女友工展小姐曾嘉晴（Angel）Sweet爆咀嘴，以Deep V露腰裝上陣嘅Angel仲大晒4吋事業線，倒數時仲興奮到「彈彈吓」，令網民都睇到噴晒血呀！而郭柏妍就喺路邊同一眾藝人睇煙花，心情相當好興奮，留言：「HAPPY NEW YEARR!!!!!!!! 新年快樂!!!!!很多年沒有現場和煙花一起倒數!!!新的一年希望大家都順順利利!!!」