周柏豪自言享受做暖男爸爸　與虎鯨近距離互動勁興奮

歌手周柏豪早前到廣州出席活動，而在活動開始前，他專程前往珠海探訪一隻身長2.3米、體重約200公斤的虎鯨BB，適逢虎鯨BB舉行「滿月」派對，為此他還特別送上滿月禮物「冰魚蛋糕」為其慶祝。第一次近距離與虎鯨互動，他相當興奮地説道：「從來都未試過咁近見到虎鯨，非常非常開心，非常難忘同埋值得嘅一次。樂園仲送咗虎鯨小公仔給我，開頭佢哋送一隻，我同佢哋講我諗要兩隻先交代到，哈哈。」

今次柏豪撇甩太太和一對女子到廣州出席晚會活動，未能與他們一起迎接新一年的來臨，他表示一對女子年紀尚小，所以沒有帶同他們出門，更笑言倒數時，兩位小朋友已經熟睡。柏豪又表示：「我哋都係簡簡單單食咗餐飯，但其實咁樣已經最開心了，小朋友大得好快，所以盡量都會珍惜多啲時間喺屋企陪佢哋。」身為暖男爸爸的他，十分享受跟家人在一起的幸福時刻，他說：「其實我好享受做一個車出車入嘅爸爸，哈哈！」