台灣#MeToo︱陳建州急洗白　上載「民眾爭合照片」

台灣藝人陳建州（黑人）被「黑澀會」成員大牙（周宜霈）指控性騷擾，黑人#MeToo嫌疑未甩身，但佢都好積極幫自己洗白，頻頻轉發台灣籃球資訊，似乎演藝路敗北，就轉場主攻籃球界。其實早喺除夕（2023年12月31日）當日，佢就已經貼出影片，寫道：「謝謝大家的支持與鼓勵，2023年的最後一天，祝福大家新年快樂、2024一切都平安！」片中佢被大批粉絲簇擁，一一為對方簽名、合照，望落又enjoy又夠威，影片配樂就用上陳奕迅《相信你的人》，似乎意有所指。之後幾日佢就上載自己靚獨照，用英文寫下：「Basketball never stops」（籃球永遠不會停止），尋日（8日）更晒出新波鞋，Chok爆影型仔相，努力營造未捲入性騷擾風波前嘅生活。