Alton@MIRROR自爆受滋擾　姜濤為演唱會進行綵排

MIRROR演唱會舉行在即，成員Alton（王智德）近日發千字文吐苦水，指最近受到滋擾，遭偷拍私生活，甚至連家人都遭殃：「呢排，我受到滋擾 （唔爭論滋擾嘅定義，總之我唔舒服），有啲人嘅價值觀我真係諗唔明，我偷拍你，但我唔會po㗎，我cap你圖，但我唔會po㗎，我po你屋企人，你冇講過話唔得喎！其實有啲嘢應該係由自己個世界出發，嗰啲可能係公德心、禮貌、修養，而唔係由外面個世界出發，冇人知咪得，冇人話咪得，咁係咪即係只要件事冇人知冇人話唔犯法，呢個世界就要容許？（Open question）我明食得鹹魚抵得渴（做呢行）自己咪主動去減少接觸以上例子嘅機會，但係就算你冇follow佢，佢都係可以任意 tag 你story」。他續指社交網充斥負能量，希望粉絲先照顧好自己，再發放正能量。

至於昨日推出新歌的人氣王姜濤，亦網晒最新照片，見他正為MV作最後監工調整，之後又去到演唱會舞台綵排，獲大批粉絲留言打氣。另外，早前姜濤出席《叱咤樂壇流行榜頒獎典禮》後到慶功宴。有友分享了當時的片段，博主表示：「教主負責社交，姜濤負責吃是嗎？」片中見姜濤一直在吃，一口接一口在大啖地食未見有停止的企圖，即使已經企了起身都依然繼續吃，實力驚人。不過，其實他吃的只是沙律菜，相當健康有益。此post一出即惹來了不少網民都留言討論，並紛紛力撐姜濤表示：「已經食菜，由佢啦」、「有點可憐」。