虞書欣成名前泳裝照曝光　飽滿上圍獲讚：瘦而不柴

內地女星虞書欣從選秀節目出道，並憑《蒼蘭訣》小蘭花一角成功入屋，獲網友封為「95後四小花旦」之一。而近日，喺內地社交網就突然流出一系列虞書欣初出道時嘅泳裝相，火辣身材更獲唔少網友激讚： 「骨架小還有肉，標準美女身材！」

外貌甜美嘅虞書欣，唔止樣靚身材正，其鄰家女孩嘅氣質更圈粉無數，激發唔少粉絲嘅「母愛心」外，日前更流出一系列喺節目着比堅尼嘅性感靚相，只見身穿粉色格仔比堅尼嘅佢，盡騷凹凸有致嘅好身材外，飽滿上圍下嘅事業線同樣搶Fo，而下身嘅褲裙設計，更係將佢一雙白滑美腿展露無遺。而隨着照片曝光，更引嚟唔少網友大讚： 「很羨慕欣欣子的好身材呀！」、「絕對是標準的美女身材，不錯哦！」、「一身泳裝照太顯身材了！」、「欣欣子這身材真的很完美了，瘦而不柴又好看又健康，背好薄好看！」