李龍基澄清七個物業沒轉名 未婚妻Chris冇諗過悔婚
2024年01月14日 16:00
東網電視
更多新聞短片
![](/hk/bkn/cnt/entertainment/20240114/photo/bkn-20240114160051904-0114_00862_001_01p.jpg?20240114174235)
73歲李龍基(基哥)認愛年輕36年的未婚妻王青霞(Chris)後,這段「爺孫戀」不被外界看好引起熱議。甚至有指女方當李龍基為「提款基」。不少網民替李龍基感到不值。早前,Chris搭小巴時竟然當眾遇襲受傷,當時對方大聲喝罵:「賤人!嘔返基哥嗰七層樓出嚟!」事態嚴重兼為人身安全着想,李龍基不想事件發酵終開腔指:「我從來冇講過話我將七層樓畀咗佢。」
事緣有一名疑是李龍基哥的擁護者,誤信了「基哥將七層物業過戶Chris」的消息,公然向Chris施襲,施襲者表示:「賤人,嘔返七層樓出嚟,唔好再呃李龍基。」所以不是「點錯相」而是有備而來。由於坊間太多傳聞,李龍基公開五點澄清,強調未有將物業業權轉讓Chris,更強調Chris冇呃自己錢。他表示原本費事澄清,但近日發生的事令他要開腔澄清一下:「再係咁落去,分分鐘有啲比較激烈嘅粉絲,唔知會做乜嘢。」
有指Chris家境不俗,家族在佛山有間大工廠,他表示:「佢父親有一段時間好反對我哋,直情同佢講,你返嚟啦,我畀返幾個股份你,買架$100萬嘅Tesla畀你,你返嚟啦,離開佢,但佢都不為所動。到而家到佢屋企完全接受我哋,好,既然你愛得咁深,由得你,咁點解需要呃我嘅錢?分分鐘我呃佢嘅錢!佢自己有兩層⋯⋯」Chris補充自己都有物業,當中包括一層1,800多呎,一層1,500多呎的單位。
第二點,李龍基否認女友曾在在東莞做坐枱小姐,Chris也補充自己自小學琴、學畫畫、寫書法,表示原生家庭條件相當優厚,更提供學費單、學揸飛機,指自己單是學費都超過$40萬美金。李龍基又否認畫功了得的女友被屈電腦作畫。
另外,有報道指子女向傳媒控訴李龍基被呃錢,李龍基強調根本自己的仔女幾乎從未在媒體曝光,又指自己的子孫實質相處融洽,不時食飯見面。最後一點要澄,2人原定於23年年尾結婚,不過由於Chris家中有白事不得不按照傳統及家人意願,把婚事延期,100天內不得辦喜事,卻被說成是「七層樓到手就悔婚」,她直指從未諗過悔婚。