台慶頒獎禮紅地氈︱炎明熹黑Bra紅絲　劉穎鏇開高衩疑走光

《萬千星輝頒獎典禮2023》今晚舉行，紅地氈率先上演連場熱鬥，其中女飛躍戰況激烈，剛榮升人妻的何依婷，以似足婚紗的透視裙亮相，延續新婚喜悅。性感上陣的她笑指老公向來十分大方，故不介意她性感，最緊她穿得漂亮。問依停老公可有陪她到現場？她說：「佢冇陪我過嚟，我都好忙，都唔得閒理佢。（咁咪冇得直擊你攞獎？）佢會喺屋企直擊，如果我攞到獎，佢會即刻搭船過嚟搵我。（對自己有冇信心？）信心一定要有，但我見其他對手都好強，所以平常心。」

但最Sharp的非「聲夢人氣王」炎明熹莫屬，她上身黑Bra外搭恤衫，下身配紅絲襪，比起上次巨型蝴蝶結更誇張。至於陳星妤心口開窿，王敏奕則Deep V低開落肚臍。另外，劉穎鏇身穿露肩高衩裙現身一步一驚心，期間疑走光人前。

炎明熹（Gigi）以前衞造型現身台慶頒獎禮紅地氈上，內穿黑色Bra加外披墊膊裇衫，而下身則是紅晚絲及斜花邊，打扮令人咋舌。她接受訪問時表示：「套衫唔係我設計嘅，係一個品牌，成套都三件頭，不過本身個黑Bra唔係咁，我自己加咗條帶，（如果冇黑Bra得唔得？）吓，唔係喎，有條帶就安全啲。」她又對造型充滿自信，形容套衫令她感「眼前一亮」，不過就不知外界是否有同感，又說在未來的日子會多作新嘗試：「呢次係個好新嘗試，因為冇試過着三件頭，嚟梗會試過唔同嘅嘢，或者性感、可愛、成熟或優雅。」問可擔心被指是「時裝車禍」？她就覺得：「每個人眼光唔一樣，有啲人覺得咁樣好靚，有啲人就覺得冇以前咁好睇，每個人嘅風格都唔同，（想攞最佳衣着？）請大家投我一票，（可以再性感啲？）要喺健康嘅範圍內，今日都算係，條裙已經係短冇可短。」

雖然她滿意造型，但有苦自己知，因為有甩鞋之險：「因為絲襪好滑怕會甩鞋，所以兩邊鞋內面加咗兩個鞋墊，腳『月爭』個位又再加兩貼，好在冇甩。」同時她透露會負責兩個環節，分別是唱歌及致敬部份，其中致敬環節時會換另一low cut設計的晚裝，她謂：「自己致敬怕自己會喊，因為首歌好感動，加上現場有啲畫面，綵排時我已經耷低頭，但正表演就唔可以，希望到時我表現堅強。」