周柏豪離家10個月拍劇　坦言：日日都想喊

歌手周柏豪在無綫熱播劇《旁觀者》中，飾演表面樂於助人的Cafe老闆，但因小時候的經歷，導致他用極端手法，殺死法律不能制裁的人；而開拍初期，柏豪的幼子出世，令他的生活變得忙碌又充實。直到囝囝滿月，柏豪就要離開香港到內地工作10個月，當時錯失了囝囝很多寶貴的第一次：「佢嘅百日宴、第一次講嘢、轉身、行路、一歲生日，我全部錯過晒。」

柏豪亦很感恩太太、媽媽和岳母幫忙照顧家庭，讓他可以安心為工作衝刺，他憶述離開屋企的一刻難捨難離：「真係好似拍劇咁㗎，上的士閂門之後我唔敢望佢哋。（有冇喊？）緊係有喊啦，日日都想喊，但我必定要去，因為有個好好嘅機會等緊我，我都同太太講畀一年時間我，我話我會返嚟㗎！佢當然OK，佢話你做你嘅嘢，工作你必須要爭取，冇工作就大家攬住喊。」家庭事業兩得意，柏豪直言現階段感到相當幸福：「我覺得依家係我人生最開心最幸福嘅時間，屋企係我最大快樂嘅來源，無嘢可以代替到。」