張敬軒巴黎睇花生騷　粉絲零下3度冒寒接機勁感動

歌手張敬軒今日（17日）在社交網上的限時動態上載雨中巴黎街景短片，現已飛抵當地的他，將出席男裝品牌Fashion Show，而最令他感意外是落機時有大批粉絲接機歡迎，他說：「呢度依家係零下3度，但好多粉絲都專誠喺歐洲唔同地方嚟到機場見我，所以我逐一同佢哋影合照當多謝佢哋。」

以往軒仔每年必到訪巴黎1至2次買傢俬或度假，不過此行就絕不輕鬆，皆因有不少工作要完成，尤其頭幾日更要密集性停工作，只是一向不會待薄工作人員的他，出發前已訂好高級餐廳，打算帶圑隊齊齊「食好西」以慰勞工作夥伴過去1年來的努力，據知軒仔更帶同《叱咤》獎座同行，未知會否跟同樣身處巴黎的黃偉文（Wyman）見面呢？