胡歌老婆疑客串《繁花》　網友冇口德群嘲：真的醜！

王家衞執導內地劇集《繁花》爆紅，由胡歌、唐嫣、馬伊琍、鄭愷等主演，多位演員被帶挈人氣再急升，尤其係本身已經係內地男神嘅胡歌，神枱之位一再推高，不過人紅多是非，有網友就忽然攻擊佢圈外太太、其執行經理人黃曦寧樣貌，更口臭地人身攻擊鬧佢醜樣！

有網友稱見到胡歌拍廣告時，黃曦寧愛相隨陪老公，仲影堆同框畫面，又指黃曦寧深情甜蜜咁望向胡歌。同時，又有眼利網友發現，《繁花》入面嘅群演中，疑似見到黃曦寧出鏡，估佢係咪近水樓台而被邀客串一角，而《繁》畫面曝光後，有毒舌網友批評黃曦寧外表「真的醜」、「這是真真正正的胡太太」、「營銷號都不敢放出正面照」，亦有唔少網友為胡歌及並太太護航，着網友積番啲口德。