李龍基爺孫戀疑玩完　未婚妻刪甜蜜合照渣都冇

72歲李龍基與年輕36歲嘅女友Chris Wong打得火熱，去年兩人關係已經昇華到做未婚夫妻，可惜近月Chris不斷被爆黑料，其畫作、學歷等均被指造假，Chris都一一解釋及自證。不過最新爆料係有人聲稱Chris曾於美國徵婚時向對方借3萬美元後失蹤，亦曾向對方傳裸照等，尋晚（21日）李龍基就已經話自己心情混亂，答唔到問題，一切交畀法律跟進，今日（22日）Chris社交網更被發現全數刪清與李龍基昔日甜蜜合照，未知係為避是非定係同李龍基感情生變，令網友擔心婚事仲會唔會有變數。對此，李龍基回覆：「Chris只係清空社交網，我哋沒事，感謝關心。」

而曾落力數臭李龍基同Chris的網紅，最近發布的新片中突轉軚，令網民大感驚訝，被怒轟「兩頭蛇」，更遭質疑「笠水」！