胡美貽潛水性感大解放 上圍Big爆Y字深溝勁搶Fo
2024年01月23日 16:01
東網電視
更多新聞短片
![](/hk/bkn/cnt/entertainment/20240123/photo/bkn-20240123160153339-0123_00862_001_01p.jpg?20240123223635)
藝人胡美貽(Nicole)喺無綫人氣劇《新聞女王》中飾演前萬華排球隊隊長「陸詠恩」,雖然戲份唔多,但佢憑着一頭金色短髮及出眾身材,受到唔少網友嘅關注。今日(23日)佢喺社交網晒出同好友出海嘅合照,並寫道:「港女野人,歸隊啦」,原來相中都係真人騷《港女野人》嘅成員。只見相中大家都半脫潛水衣,以性感泳裝上陣,盡騷火辣身材。而穿着橙紅色泳衣嘅胡美貽更係喺眾女神中突圍而出,其豐滿上圍幾乎要Big爆衫,大晒深長事業線之餘,仲谷出Y字深溝,非常性感!
胡美貽接受東網訪問時謂:「今次比較係保育行動,呢度一日入面已經有齊四季,所以每日我哋都要帶備好多衣物,今次除咗游水,仲有潛水、行山、露營等好多活動,我哋仲去咗一個火山,嗰度環境好靚,依家行程先去咗一半,嚟緊會行冰川,有可能會落雪。」她又大爆今次行程緊密,每日都要執行李、換酒店:「我哋四個一齊share同一個廁所,一個沖緊涼、一個就化緊妝,呢次都係我哋第一次日日對住咁耐時間,真係好close,大家都係患難見真情。」首次到新西蘭的她,在那邊不停吃漢堡包及薯條,更食到喉嚨痛。
至於Honey則謂:「呢度嘅活動比之前更Chur,為咗靚我哋緊係要着泳衣合照啦!雖然依家新西蘭係夏天,但天氣好極端,前一日30度,今日得番7度,所以唔係集集都可以着泳衣,今次我哋4個住埋一間房,感情比之前更加增進不少。」而陳若思受訪時開心表示:「今次好多戶外活動,見到好多唔同嘅野外動物,呢邊天氣時凍時熱,溫差好大,今日落雨可以去到8度,要着番羽絨,所以每一日都要睇住天氣着衫。」