胡定欣许2个新年愿望　准备出发去埃塞俄比亚

艺人胡定欣今日（24日）到商场出席活动，定欣在许愿卡上写下了“身体健康”和“胡说八道世巡唱通全球”这两个新年愿望。

胡定欣指明天就要出发去非洲埃塞俄比亚做慈善活动，为期约1星期，紧接着要返港出席电影《临时劫案》的宣传，她表示电影早已在内地上映：“我有啲Fans好好，佢包场嚟睇，但我自己就未去到内地做宣传，呢部系我第二部有份参与嘅电影。”又言新年期间会离开香港与一班朋友一同去滑雪，称上一次去滑雪时未能突破心理关口，故表现未如理想：“我唔识滑雪，同埋我好惊又有啲畏高，虽然最后系滑倒，但我希望今次一去到连续上两日堂，希望今次就可以好开心去享受滑雪。（成班朋友得你一个唔识？）系，所以我系BB班。”

讲到胡说八道演唱会，胡定欣指很快就会有好消息公布，指在美国演出时见到反应热烈，已经同时开始与各地商谈，希望继续举办演唱会：“本身系个登台骚，但我哋6个对呢个骚要求好多，已经将佢变成一个演唱会，希望搵到一个适合我哋嘅场馆。（今次有冇胡蓓蔚？）有嘅，认真我哋好希望每一次都齐人，但齐人系好高难度，但我哋希望每一站以齐人为目标，当然如果当中有好重要嘅工作，梗系要去做，最紧要成事。”问到几姊妹中大多已离开无綫，有否想与其他离巢姊妹们合作组公司？胡定欣指从来没有想过：“因为大家需要嘅嘢唔同，搞一个骚要约齐都唔容易。”她谓现在目标是可以做到胡说八道世界巡回演出。问到是否想通过世巡找好归宿？胡定欣笑言：“希望啦！（有冇人潜力股？）有嘅，有认识嘅，桃花都紧要，毕竟都差唔多时间要有。”她谓现在身边有聊得来的异性朋友。