薛家燕驛馬星動周圍撲　陳懿德心郁郁想嫁安德尊？

藝人薛家燕、陳懿德、許文軒、徐文浩與玄學家李丞責、麥玲玲在將軍澳電視城為賀年節目《2024風生水起》宣傳。家燕姐指近期驛馬星動，工作忙過不停，明天（26日）將要到馬來西亞登台，新年將在澳門舉行演唱會嘉賓包括佘詩曼、陳小春、周柏豪等。她指搵錢還是次要，最重要是做得開心，以及帶歡樂給大家。

陳懿德與家燕姐同屬虎，新年財運亨通。講到陳懿德透露師傅指她30歲後才有姻緣？她說：「師傅係話32歲之後結婚比較好，雖然唔心急，但係女仔都想嘅。」陳懿德自言還沒有對象，大家向她推介安德尊，她笑說：「大王正呀，才子嚟，大王條件好好。（要同宋芝齡、吳幸美爭喎？）咁我輸晒，同埋我要過咗32歲。」家燕姐則笑說：「大王可能會等㗎，哈哈。」陳懿德笑說：「估唔到入嚟公司，可以搵到真命天子。」