劉倩婷生日獲好友到賀　老公李丞責滿足3個願望

前港姐冠軍劉倩婷（Sandy）於本月24日迎接38歲生日，日前，特別搞了一個船P慶祝，陳豪、陳茵媺、汪詩詩以及胡杏兒等前來慶賀，相當熱鬧！Sandy接受《東網》訪問，對於朋友的疼錫，笑言：「好多好朋友同我慶祝好開心，好珍惜每一份心意同埋友誼。」

由於船Ｐ舉行當日正值「未凍」時，令她可以同小朋友着靚靚到場：「我生日正日非常之凍，好彩Party個日未凍之前，所以可以着得靚靚，天氣太凍嘅話都唔能夠Dress up。」

Sandy婚後一直相夫教女，打理家庭頭頭是道，難怪一直深得老公李丞責疼錫，問她今年老公送上甚麼禮物，她笑言：「佢滿足晒我３個願望，小朋友同我都有份嘅，但乜嘢願望呢，就要保密喇，哈哈！」