旁觀者︱羅天宇殺連詩雅　瘋狂爆Seed挑戰極限

藝人羅天宇在無綫劇集《旁觀者》中被揭是「黑鼠尾草殺手」，最後更將連詩雅殺害，天宇在其中一幕怒擲物件相當瘋狂，談到接二連三的爆Seed場口，天宇坦言本身是不太擅長釋放情感，故爆Seed場口對其挑戰很大：「我嘅情感反應比起平常人係平啲，所以我接觸呢啲場口時，其實係唔慣個情緒去到咁高漲或者咁極端，所以都要Warm Up吓，可能做吓運動咁。對於我嚟講，嗰啲情緒算係一種極限挑戰，所以可能要事先Push多啲、操吓個意志力，先至做到個效果。」

他入行以來從沒接觸過如此情緒大起大落場口，故拍攝甚為緊張：「有啲緊張、又有啲擔心，因為驚整到連詩雅。不過劇組就叫我放心，因為大家事先傾好咗邊啲嘢掂得、邊啲嘢唔掂得，而且尖嘅利嘅同埋玻璃嘅嘢都全部拎走哂。」他指最搞笑的是身邊朋友大呼期待：「佢哋都話想睇吓我到底發脾氣，或者發爛渣會係點，因為我自己本身唔會掉嘢。作為演員其實都好想畀新鮮感觀眾，希望將來可以有更多唔同嘗試。」