以跑步自我療愈　唐詩詠下站挑戰日本馬拉松

向來運動細胞麻麻的視后唐詩詠，早前的起心肝挑戰香港馬拉松2024，並參與10公里明星賽事，結果無驚無險順利完成，她接受東網訪問時，透露從疫情前開始學跑步，由一竅不通至慢慢進步，過程間最難調節心律部分：「開始時心跳好快，雖然跑到但好急，多謝教練細心幫我調整，我都用咗好長時間調整心律，開頭係170，慢慢訓練又減20，過程係好辛苦，因為好飄忽，其實跑步係同自己挑戰，加上每個人唔同身體狀況同心態都會影響跑步，人多時會急啲，所以呢樣係非常之好嘅自我療愈，從中會睇到自己嘅問題喺邊，更認識自己身體。」

詩詠不諱言當初只想挑戰自己參與馬拉松賽事，現時完成最大目標後，望下次可以挑戰更佳時間，同時亦有意11月到日本富士山參加10公里馬拉松，故趁尚有時間努力練跑。