秦嵐女神氣場全開　緊身鑲鑽長裙騷Quali

喺《延禧攻略》飾演富察皇后成功入屋嘅內地女星秦嵐，唔止樣靚身材正，更喺真人騷中憑直率可愛性格，圈粉無數。而不時喺社交網同粉絲分享生活點滴嘅佢，日前更晒出一輯身穿鑲滿亮鑽嘅性感禮服相，秀出白滑美背外，風情萬種嘅高貴氣質，更係令唔少粉絲心心眼：「高冷人設歸位了，美得我神魂顛倒！」

尋日（27日），秦嵐喺社交網晒出一輯着鑲滿鑽石嘅銀色禮服裙，單肩吊帶設計大晒香肩鎖骨外，低胸造型更露出飽滿上圍及誘人事業線，高雅冷艷得嚟攝人心魄嘅氣場，更係令人睇到眼定定，而隨着秦嵐優雅轉身，大騷白滑美背之餘，凹凸有致嘅苗條身材及蝴蝶骨，簡直美不勝收。