視后江美儀用濾鏡自拍重拾靚樣　意外撞樣李嘉欣

藝人江美儀喺2022年憑劇集《下流上車族》升呢視后，人氣急升，雖然已52歲依然保養得宜，身材同樣貌都Keep得好好，不過最近去咗北海道滑雪嘅佢，喺社交網大晒滑雪照，仲無懼素顏出鏡，但係就展現出歲月痕迹，面上色班盡現人前，惹起網民熱議！唔知係咪因外貌成為討論對象，佢今日（28日）就出動濾鏡幫手，大晒靚靚自拍，但係望落竟然同大美人李嘉欣有幾分似樣，再度成為網民熱話！