星玄｜天秤女汤唯人逢喜事　一举动K.O.婚变传闻

今日系1月30日，农历十二月二十，宜移居、会友、动土。今日嘅幸运星系天秤座，人逢喜事精神爽，让自己做些感兴趣的事。天秤座嘅汤唯近年不时传出，同韩国导演老公金泰勇婚变嘅消息。不过佢哋就以一张相打破婚变传闻，仲要嚟个公开放闪，汤唯晒出同老公嘅合照，见到两个人脸贴脸，非常之恩爱呀。张相仲要系囡囡揸机，真系既窝心又温馨，唔怪得之汤唯，今日人逢喜事精神爽啦！

早前汤唯来港宣传电影《分手的决心》嘅分镜本新书，并接受“Do姐”郑裕玲嘅专访，期间汤唯全程以广东话交流，虽然佢久违用广东话访问，不过佢嘅发音同用字亦仍然非常地道，令不少网民纷纷大赞︰“汤唯广东人吗？粤语好标准啊”及“这个粤语，感觉真的像是母语的水准了”等等，更被问到与老公离婚嘅传闻，她就直言完全唔可能发生，婚变一事自然不攻自破。

今日最旺嘅生肖系牛，财运旺，投资眼光准确，可小试牛刀。陈伟霆（William）就系属牛，喺内地发展多年嘅佢，推咗大约成亿嘅片约，计划留港追梦，仲喺新戏《爆裂点》，同影帝张家辉激战连场。William拼命三郎嘅态度，就连家辉都大赞，有佢后生个时嘅拼搏。William事事都咁认真，相信去到边，都会获得其他人嘅认同，留港追梦都总算系一种投资吖！