珍妮花露柏絲推出新歌混音版MV　挑戰尺度露埋「點」？

荷里活歌影視天后珍妮花露柏絲（Jennifer Lopez）雖然年屆50有4，但身材樣貌都依舊Keep得好好，早前她推出的新歌《Can't Get Enough》MV收起性感扮新娘子，令不少粉絲大失所望，而昨日她再推出該曲的混音版MV，在MV中向粉絲大派福利挑戰尺度！

珍妮花於新MV中以不同性感造型出現，除了黑色比堅尼Look之外，其中最大膽就是她除下大褸露出「乳頭內衣」（nipple bra）扮「飛釘」。據知這個「激凸內衣」是美國真人騷女王Kim Kardashian內衣品牌SKIMS的出品，之前推出時曾惹來爭議聲！

MV成功惹話題，一眾粉絲亦留言大讚MV中的珍妮花好火辣，其中有粉絲表示：「珍妮花近六張，但仲係好似30歲！佢真係好正斗！真係冇話可說！我好崇拜佢嘅才華、佢嘅美麗同佢嘅態度。」