本尊就位︱孔德賢謝東閔被困古井　遭人造雨搞到面容扭曲

無綫力捧小生孔德賢與謝東閔於新劇《本尊就位》一場被困古井相當大犧牲，除了要花大量力氣以背對背形式爬出古井外，更要全程浸在水裏，為配合劇情，拍攝時更要配合大量人造雨，令東閔頭髮被弄濕至成「比達Look」，相當爆笑！

而東閔身旁的孔德賢雖然不用應付這麼多對白，但被人造雨瘋狂「襲擊」的他，不但搞到面容扭曲，更連雙眼也睜不開。東閔受訪時坦言井底戲拍足兩日，並透露與孔德賢的「二人四足攀井」場口，是在棚架、威也及動作替身幫助下完成拍攝，製作認真：「呢場戲差唔多臨尾聲先拍，嗰時已經開始變凍，落水都真係幾凍。我哋嗰場係吊威吔，同埋搭咗個好大嘅景嚟拍。」

對於飾演神仙呂洞賓，東閔坦言有被角色的古文考起：「真係背得好辛苦，呢套係我拍咁多套背得最多古文嘅一套戲，有啲仲要我自己都未必好明，所以都要花好多時間研究。（網民話你角色好可愛！）係呀，我自己就設計咗神仙同凡人有代溝呢個位出嚟，咁樣希望出嚟效果搞笑啲，好多謝網民睇得開心。」