張致恒澄清未曾向舊愛求婚　望有錢同雯雯補擺喜酒影婚紗相

張致恒（Steven）除咗經濟狀況備受網友關注之外，佢同太太雯雯（區燕雯）嘅感情狀況亦受到大家熱議，皆因2人不時都會嗌離婚，被網友稱為「離婚界KOL」。日前張致恒嘅前女友喺受訪時大爆張致恒曾向自己求婚，但佢認為張致恒並不可靠，所以拒絕其求婚，之後更暗嘲「我唔想做離婚KOL」，此言論即引嚟網友熱議。

而今日張致恒就喺社交網澄清自己未有向任何人求婚，就連太太雯雯自己都冇正式向佢求婚，當時只係草草了事。因此，佢對太太感到非常抱歉，希望喺解決財務問題之後，能夠同雯雯補擺婚宴及影婚紗相。最後又同雯雯道歉，並承諾自己未來會努力令屋企變得更加好。