「大表波」公開操肌過程　狂舉啞鈴6舊腹肌搶Fo

男圑MIRROR一共16場嘅演唱會於早前完結，當中成員Stanley（邱士縉）因一身爆肌而備受網友熱議，仲被稱為「大表波」。今日Stanley就喺社交平台分享自己健身嘅影片，並寫道：「紀錄一下呢兩個月增肌減脂之旅」，只見穿着背心嘅Stanley除跑步之餘，又去到健身中心狂舉啞鈴，期間更撩起件衫大晒6舊腹肌。影片一出，網友紛紛留言大讚佢好自律，「大表波唔係浪得虛名」、「自律嘅人永遠最吸引」、「真心勁」！