兩大女神同場鬥靚！柯佳嬿高衩騷長腿　李聖經露半球搶Fo

台灣女星柯佳嬿憑電影《想見你》爆紅，近日佢飛到泰國出席活動，同場仲有韓國女神李聖經，2大女神激罕同框令一眾粉絲都相當興奮。活動完結後，柯佳嬿喺社交網晒出靚相，當中亦有同李聖經嘅合照，只見柯佳嬿穿着斜膊連身長裙，側面開衩設計盡騷一雙修長美腿。而李聖經則以性感DeepV晚裝上陣，大晒誘人半球，相當有睇頭！

李聖經喺受訪時表示自己都係柯佳嬿嘅粉絲，大讚佢喺韓國人氣超高。而柯佳嬿亦準備咗台灣特產送畀李聖經，收到禮物嘅李聖經相當感動，約定2人之後要喺台灣見面。網友亦紛紛留言期待2人會有合作，「合照夢幻聯動了」、「以後有沒有可能和李聖經合作啊」、「兩個美女同框對我的眼睛很好」。