王君馨初一照洗頭：我哋一啲都唔傳統

藝人王君馨今年在港度歲，下星期情人節更會與好友衛詩齊齊做福音敬拜會，齊齊宣揚愛。她接受東網獨家訪問時表示之後會老公Daniel到外地旅行，她謂:「我哋都好耐冇過二人世界，所以會放假，認真抖吓，之後就要去新加坡工作，繼續努力。」

身為人妻的她被問到是否會依習俗為屋企準備時，向來鬼妹仔性格的她即笑謂:「我哋一啲都唔傳統，乜嘢習俗都唔跟，因為老公家人都喺紐約，所以今年會剩係同家人食開年飯，(會否派利是?)利是都會派，但年初一唔洗頭，初三赤口唔拜年我哋就唔會跟囉！」