《城寨》CP合體！王君馨等足7年抱袁偉豪BB

無綫劇集《城寨英雄》早前深宵重播，當年劇集爆紅，其中「花曼」王君馨與「牙佬」袁偉豪的CP更深受歡迎，齊齊於《萬千星輝頒獎典禮2016》勇奪最受歡迎電視男、女角色，昨日2人終於再度合體，王君馨網晒2人合照，又抱住袁偉豪囝囝「袁咕碌」，相當溫馨，王君馨留言表示：「冇諗到花曼要等七年先抱到牙佬嘅BB！恭喜Ben做爸爸laaa！ 今日抱返你真實嘅BB，感覺很奇妙，佢啲面部表情真係好似你！唔知幾時再有機會合作呢？大家點睇？」唔少網友都期待2人再合作，而袁偉豪亦留言：「Can't wait（急不及待）！」