Edan網晒疑似戒指盒　「爵女郎」全面曝光

男圑MIRROR成員呂爵安（Edan）新一年榮升車主，去年尾考獲車牌，日前他在社交網上載三張揸車相，透露已購了新車，他寫道：「考車買車到拎車，都比豬隊友輪流爆料，今次等我自爆我嘅靈魂旅伴先！之前唱住歌揸車，大家都讚揸得淡定到唔似馬路新手，實不相瞞，有時唔熟路都會緊張。」

不過其一中張相，他掂住一個桃紅色，類似戒指盒的「物體」，令人聯想到「香車配美人」，難道想趁農曆年官宣有拖拍？正期待他「脫單」，可是細心一睇，原來並非戒指盒而是擴香器，他亦謂：「聽兄弟講，車廂擺放香薰點綴，可以放鬆下心情。」不過擴香器原本是黃色，但為了一位妙齡少女而變色及換香味，他沾沾自喜謂：「我E（呢）個司機會唔會太體貼了。」至於令他頓變「世一暖男」的幸運兒，正是其心肝寶貝妹妹「小如豬」，寵妹如此，「小如豬」在社交網亦曾留言表示要大力表揚司機哥哥。