G奶「雪乳戰神」賣媽咪　公開招後父

台灣G奶「雪乳戰神」郭鬼鬼，樣靚身材正嘅佢成日喺社交網派福利，圈粉無數。而繼去年年底聖誕節，郭鬼鬼晒出媽咪玩黑絲誘惑嘅性感靚相，備受好評之後，日前再晒出媽咪着日本傳統和服，充滿典雅氣質嘅靚相，並寫道：「初一吃素，我娘來拜年有甚麼想說的話，樓下告於她喔！」而相中郭鬼鬼嘅媽咪，雖然戴咗口罩未有露出全貌，不過眉宇之間睇落仲係相當後生得嚟，更係一位大美人。

隨着郭鬼鬼媽咪靚相曝光，唔少網友都留言道：「阿鬼慘了，競爭者出現，明日頭條，郭鬼鬼退隱江湖，接班人出現。」、「這是媽媽還是姐姐呀？」、「這姐姐貴庚呀，不科學呀！」、「天呀！她說這個是她老娘？你們信嗎？這個根本就是她老姐呀！」、「已被媽咪圈粉，再多的讚美也無法形容的美！」、「突然覺得姐弟戀好像也不錯。」事實上，郭鬼鬼過去唔止公開媽咪嘅靚相，仲有唔少「豐功偉業」，例如：「曾因參加女兒校慶造成交通阻塞2小時。」、「畢業典禮被女兒同班男同學告白。」等，更透露媽咪目前處於單身階段，歡迎各路網友努力嘗試追媽咪。