張信哲因1理由　春晚演出遭質疑假唱

自去年年底，內地爆出假唱爭議後，各大電視台為避免再引起爭議，喺2024嘅跨年晚會上，大部分歌手都係真唱上台外，連墊音都冇。未料，唔少歌手現場狀況頻出之餘，仲包括張信哲、張韶涵及王俊凱等人，都因為唱功瑕疵掀起各界熱議。而隨着春節到來，獲邀登上春晚節目表演嘅張信哲，帶來經典歌曲《愛如潮水》、《用情》及《信仰》，但就因為唱得太完美，畀網友質疑修音過大。

喺跨年晚會上，張信哲演唱《懸溺》時，表情似乎太過用力，成塊臉皺埋一齊咁濟，引嚟唔少網友搞笑道：「真的差點溺斃了。」如今，春晚節目上為觀眾帶嚟完美演出嘅張信哲，則因歌聲過分完美零瑕疵，引嚟唔少網友質疑半開麥兼墊音，亦有網友認為係事後修音過多，導致聲線唔夠真實：「這有墊音吧！」、「修太大了，好誇張！」；不過亦有粉絲戥佢唔抵：「本來就是實力派！」、「我覺得還好～還是很好聽！」、「應該就是小修，沒有差太多啦！」