辛芷蕾轉手絹變「血滴子」　唐嫣靚樣被襲擊驚驚

央視春晚雲集中港台紅星，今年最Hit一定係由胡歌、唐嫣、辛芷蕾主演嘅熱爆劇《繁花》，掀起「上海風」熱潮，眾人自然受邀同觀眾演出並拜年。不過喺在幕後訪談中，辛芷蕾同唐嫣坐埋一齊受訪時，辛芷蕾就被即場起哄「轉手絹」，佢仲右手揸咪、左手轉到飛起，正當其他來賓都狂讚佢時，點知佢就突然拋畀唐嫣嗌佢接，手絹直接飛擊唐嫣塊面，嚇到辛芷蕾立即check吓唐嫣塊面，雖然佢狂道歉：「Sorry，我不是故意的」又用手擋住唐嫣個樣，不過主持人謝娜同楊迪就繼續搞笑地煽風點火：「女演員在上台前把另一個演員妝打花了」、「像血滴子一樣，太嚇人了」忽變搞笑名場面。